Ministria e Arsimit, Shkencës dhe Zhvillimit Teknologjik në Serbi ka njoftuar se Shtabi republikan për parandalimin e shpërndarjes së pandemisë në seancën e sotme ka marrë vendim që pushimet vjeshtore për nxënësit e shkollave fillore dhe të mesme të fillojnë të hënën më 8 nëntor dhe të zgjasin deri të premten, më 12 nëntor.
Ekipi i shkollës apelon për aplikimin e masave të tjera për kufizimin e tubimeve dhe respektimin rigoroz të të gjitha masave të tjera të parapara për parandalimin e shpërndarjen e pandemisë COVID-19, në mënyrë që vendimi për zgjatjen e pushimeve vjeshtore të ndikojë në uljen e infektimeve të reja me COVID-19, në moshën shkollore dhe popullatën e përgjithshme.
Dita e parë e punës për nxënësit siç thuhet do të jetë e hënë, 15 nëntor 2021.