Pas konkursit të shpallur nga gjimnazi “Skënderbeu” në Preshevë për zgjedhjen e drejtorit të këtij institucioni, vetëm dy nga konkurrentët që kanë aplikuar kanë plotësuar kushtet për të garuar për pozitën e drejtorit, udhëheqësi i deritanishëm, Nadër Sadiku dhe Sinan Fetahu mësimdhënës në këtë institucion.
Z.Nadër Sadiku në këshillin e profesorëve kishte fituar bindshëm ku nga 103 të punësuar në këtë kolektiv për z.Sadiku kishin votuar 85 prej tyre, ndërsa nëntë vota ishin të pavlefshme.
Gjithashtu, me datë 27.11.2019 Këshilli i Shkollës së gjimnazit “Skënderbeu” kishte mbajtur mbledhjen me rend dite: Dhënia e mendimit për kandidatët për tu zgjedhur drejtor shkolle, me ç’rast nga 9 anëtarët e Këshillit Nadër Sadiku mori 7 vota. Edhe nga Këshilli Kombëtar Shqiptar z.Sadiku mori mendimin pozitiv.
Sipas dokuemtit të siguruar nga PreshevaPRESS, Ministria e arsimit, shkencës dhe zhvillimit tekonologjik, në bazë të ligjit dhe procedurave për zgjedhjen e drejtorëve të institucioneve arsimore ka emëruar udhëheqësin e e deritanishëm Nadër Sadiku për drejtor të gjimanzit “Skënderbeu” në Preshevë. Mandati i plotë katër vjeçar Sadikut i fillon më 02.03.2020.
Në vendimin e ministrisë thuhet se pasi që drejtori i deritanishëm i gjimnazit “Skenderbeu” në Preshevë ka marrë përkrahjen e këshillit të shkollës për të udhëhequr edhe për një mandat prej katër vitesh, propozim ky i cili është përkrahur edhe nga Këshilli Kombëtar Shqiptarë.
Nadër Sadiku edhe në mandatin e kaluar katër vjeçar ka udhëhequr me këtë institucion shkollor. Në mandatin e Nadër Sadikut, Gjimnazi “Skënderbeu” ishte shkolla e vetme në komunën e Preshevës që është vlersuar me notën maksimale nga inspektorët e arsimit, sikur se edhe vet drejtori Sadiku i cili ishte notuar gjithashtu me notën maksimale.