Të dielën pa rrymë Presheva dhe Bujanoci, ndërprerje të planifikuara nga ora 08:00 deri 17:00.
Për shkak të punimeve të planifikuara në objektet energjetike, të cilat synojnë përmirësimin e cilësisë së furnizimit me energji elektrike, të dielën më 26 prill 2026, konsumatorët në komunat e Preshevës dhe Bujanocit do të përballen me ndërprerje të energjisë elektrike.
Sipas njoftimit, përdoruesit në territorin e komunës së Preshevës me zonat përreth, si dhe në komunën e Bujanocit me rrethinë, do të mbesin pa energji elektrike nga ora 08:00 deri në ora 17:00.
Autoritetet apelojnë tek qytetarët që të planifikojnë aktivitetet e tyre në përputhje me këtë ndërprerje të paralajmëruar, ndërsa theksohet se punimet janë të nevojshme për stabilizimin dhe përmirësimin e rrjetit energjetik.