Derisa në komunat e veriut të Republikës së Kosovës ka një javë që serbët e atjeshëm protestojnë kundër kryetarëve të zgjedhur në zgjedhjet e fundit, në Preshevë institucioni i vetëm kulturor ka mbyllë dyert për aktivitetet kulturore që financohen nga Qeveria e Kosovës.
Lajmin që në ambientet e Shtëpisë së Kulturës “Abdulla Krashnica” në Preshevë nuk lejohen të zhvillohen aktivitetet kulturore që janë financuar përmes Fondit të Qeverisë së Kosovës për Luginën, e ka publikuar aktori i Teatrit të Qytetit të Preshevës, Gani Veseli.
Veseli në njoftimin për shfaqjen e premierës së tregimit popullor “Heshtja Vret” ka njoftuar se detyrohet të e realizojë në Bujanoc, pasi që sipas tij, drejtori i këtij institucioni nuk ka lejuar të ndodhë në Preshevë, me arsyetimin se nuk do të i pëlqente kryetarit të Komunës së Preshevës, Shqiprim Arifi.
“Për shkak të mosbashkëpunimit të mirë me drejtorin e shtëpisë së kulturës “Abdullah Krashnica” në Preshëvë, me arsyetimin se po i pengon “kryetarit” gjë që është e ditur që nga fillimi se këtij të fundit i pengojnë edhe aktivitetet edhe sukseset e mija , kështu që unë si punëtor (aktor) i këtij institucioni (Teatrit të Preshevës) detyrohem që të ndryshoj lokacion dhe Premierën e filmit ta bartë në Bujanoc, por kjo aspak nuk zbeh vullnetin apo angazhimin tim për ti ofru qytetarëve organizime kulturore dhe artistike!” ka shkruar Veseli në facebook.
Sinani ka gjetur kohën që përcjellësve të sajë në facebook përmes një postimi të i dëshirojë të diele të mbarë nga Presheva, por nuk ka reaguar në lidhje me vendimin e Shtëpisë së Kulturës në Preshevë për moslejimin e realizimit të aktiviteteve kulturore që financohen nga Qeveria e Kosovës.