Kabineti i Kryetares së Preshevë, Ardita Sinani, ka njoftuar qytetarët se më 26 maj 2026 do të realizohen ushtrime me armë zjarri në poligonin e fshatit Leran.
Sipas njoftimit, ushtrimet do të organizohen bazuar në informatën zyrtare të pranuar nga Ministria e Punëve të Brendshme e Republikës së Serbisë – Stacioni i Policisë Kufitare në Preshevë.
Gjuajtjet janë paraparë të zhvillohen nga ora 08:30 deri në 09:30, periudhë gjatë së cilës do të ndalohet lëvizja dhe qarkullimi në hapësirën përreth poligonit.
“Gjatë kësaj kohe ndalohet lëvizja, qëndrimi dhe qarkullimi i njerëzve, kafshëve, automjeteve dhe mjeteve të tjera në hapësirën përreth poligonit”, thuhet në njoftim.
Autoritetet kanë bërë të ditur se zona ku do të zhvillohen ushtrimet do të jetë e shënuar me flamuj të kuq dhe tabela paralajmëruese, ndërsa do të sigurohet edhe nga personeli përgjegjës.
Kabineti i kryetares ka apeluar tek qytetarët që të respektojnë udhëzimet dhe masat e sigurisë të dhëna nga organet kompetente, me qëllim shmangien e çdo rreziku gjatë realizimit të ushtrimeve.
Në vazhdim ju sjellim njoftimin e plotë:
NJOFTIM PËR QYTETARËT
Kabineti i Kryetares së Komunës së Preshevës, bazuar në informatën zyrtare të pranuar nga Ministria e Punëve të Brendshme e Republikës së Serbisë – Stacioni i Policisë Kufitare Preshevë, njofton qytetarët se më datën 26.05.2026 do të realizohen ushtrime me armë zjarri në poligonin e fshatit Leran, Komuna e Preshevës.
Gjuajtjet do të zhvillohen në intervalin kohor nga ora 08:30 deri në 09:30. Gjatë kësaj kohe ndalohet lëvizja, qëndrimi dhe qarkullimi i njerëzve, kafshëve, automjeteve dhe mjeteve të tjera në hapësirën përreth poligonit.
Zona ku do të zhvillohen ushtrimet do të jetë e shënuar me flamuj të kuq, tabela paralajmëruese dhe do të sigurohet nga personeli përgjegjës.
Lusim qytetarët që t’i respektojnë udhëzimet dhe masat e sigurisë të dhëna nga organet kompetente.