Nxënësit në Serbi nga sot kanë filluar mësimin në distancë përmes kanalit të Radio Televizionit Serb. Modeli i ri i mësimdhënies nuk do të ndikojë në mbajtjen e provimit të semimaturës për filloristët, dhe provimet pranuese për fakultetet, si dhe afatet e provimeve do të shtyhen, tha Ministri i Arsimit Mladen Sharçeviq për N1.
“Provimi i semimaturës do të mbahet në një formë, do ta shohim se në çfarë forme do të jemi në gjendje të e organizojmë. Kjo varet nga kohëzgjatja e situatës. Nëse themi se nuk do të ketë provime për semimaturantët, të gjithë do të ndalojnë së mësuari” është shprehur ministri Sharçeviq.
Ai theksoi se në fund, i ashtuquajturi vlerësimi përmbledhës, do të ndodhë kur fëmijët të kthehen në bankat shkollore dhe përmes testeve të ndryshme, të cilët do të mundësonin për të provuar njohuritë e nxënësve.
Kur bëhet fjalë për provimet pranuese dhe afatet e provimeve në kolegje ose fakultetet e ndryshme nëpër Serbi, Sharçeviq ka thënë se ato do të zhvendosen për një afat tjetër momentalisht të papërcaktuar, në varësi të asaj se sa zgjat gjithë periudha me masat e veçanta rreth luftimit të shpërndarjes së Covid-19.
Të gjitha informacionet në lidhje me gjendjen pandemike në vend mund t’i gjeni duke klikuar në këtë vegëz apo në faqen NË FOKUS nën seksionin PANDEMIA COVID19 NË LUGINË.