Sipas rezultateve preliminare të shpallura nga Komisioni Komunal Zgjedhor në Bujanoc, partitë serbe kanë fituar gjithsej 13 këshilltarë në Kuvendin e Bujanocit, derisa shqiptarët në total 26 mandate dhe romët 2.
Pas përsëritjes së procesit të votimit gjatë ditës së djeshme në dy vendvotime, në Shtëpinë e kulturës në Bujanoc dhe në Zhbevc, grupi qytetar Dr. Dejan Stojanoviq Meçe fitoi një mandat tjetër në Kuvendin e Bujanocit, ndërsa Lëvizja për Progres Demokratik e Shqiprim Musliut humbi një këshilltar.
Bazuar në rezultatet preliminare të publikuara nga KKZ pas rivotimit në këto dy vendvotime, fitues i zgjedhjeve në Bujanoc mbetet Fronti për Ndryshim me 3494 vota, e që në përllogaritje nënkupton 8 mandate.
Më poshtë ju sjellim rezultatet preliminare të publikuara nga KKZ pas përfundimit të procesit të rivotimit të djeshëm në dy vendvotime në Bujanoc.