Konkurs për Ndarjen e Bursave Studentore në Komunën e Bujanocit për Vitin Akademik 2024/2025.
Komuna e Bujanocit ka shpallur konkursin për ndarjen e bursave studentore për vitin akademik 2024/2025. Ky konkurs synon të mbështesë studentët e komunës në arritjen e arsimit të lartë, duke siguruar përkrahje financiare për shpenzimet e tyre studimore.
Sipas njoftimit zyrtar, bursa ka për qëllim rritjen e përqindjes së të rinjve nga komuna që ndjekin arsimin e lartë, përfshirjen e të rinjve në arsim të lartë, pavarësisht statusit socio-ekonomik, si dhe mbështetjen e zhvillimit të tregut të punës në Bujanoc.
Komuna e Bujanocit ka theksuar se arsimi i lartë është një prioritet strategjik për zhvillimin socio-ekonomik të qytetit. Ky konkurs bazohet në vendimin e Shërbimit të Trupit Koordinues të Qeverisë së Serbisë dhe në aktvendimin për formimin e komisionit përgjegjës për ndarjen e bursave.
Të gjithë studentët e interesuar ftohen të aplikojnë duke dorëzuar dokumentacionin e kërkuar brenda afateve të përcaktuara. Informacione të detajuara rreth kritereve dhe mënyrës së aplikimit mund të merren pranë Komunës së Bujanocit.
Për më shumë informacione dhe dokumentet e nevojshme për aplikim, vizitoni faqen e Komunës së Bujanocit duke klikuar këtu.