Subjektet politike shqiptare janë dakorduar që të udhëheqin së bashku Bujanocin, krejt kjo ujdi u arrit me ndihmën e Qeverisë së Shqipërisë, posaçërisht ministrit Gent Cakaj.
Si duket kjo marrëveshje e ka gëzuar tejmase ministrin Cakaj i cili në një postim në facebook shkruan:
Ky është postimi i plotë i Cakaj në faqen e tij në facebook:
Miq, miq, miq:
NJË SUPER LAJM NGA ZEMRA E LUGINËS SË PRESHEVËS 🇦🇱❤:
Partitë politike shqiptare tashmë kanë mbyllur marrëveshjen për bashkëqeverisje në Bujanoc.
Kjo është pothuajse e arritura më domethënëse që kemi shënuar bashkërisht në Luginë: Bujanoci do të qeveriset drejtë nga shqiptarët e nuk do të varet nga askush tjetër, përveç shumicës shqiptare.
Personalisht i detyrohem një falënderim të posaçëm z. Nagip Arifi, z. Shaip Kamberi, z. Shqiprim Musliu e z. Arbër Pajaziti që i qëndruan fjalës së dhënë në mbledhjen e djeshme në Tiranë duke arritur këtë marrëveshje që është jetike për Bujanocin e shqiptarët e Luginës!
Neve, ndërkaq, na takon ta vazhdojmë punën e pakursyer në shërbim të mbështetjes së Luginës e gjithë shqiptarëve në përgjithësi!
URIME BUJANOC, LUGINË E PRESHEVËS E SHQIPTARË NË PËRGJITHËSI!