Kryetari i Preshevës, Shqiprim Arifi, ka bërë të ditur se 2 milionë euro që kishte ndarë Qeveria e Kosovës për Luginën, ende nuk janë transferuar.
Qeveria e Kosovës, nën udhëheqjen e kryeministrit Albin Kurti, në projektligjin për buxhetin e vitit 2022 ka paraparë 2 milionë euro për Luginën e Preshevës.
“Për herë të parë kemi buxhetuar mbështetje për Luginën e Preshevës, në shumë prej 2 milionë euro.” pati shkruar në njoftimin e publikuar në facebook, kryeministri Albin Kurti.
Edhe pse në njoftimin për përkrahjen financiare prej 2 milion eurove, Kurti ka sqaruar që do të ndahen për të tri komunat me popullatë shqiptare në jug të Serbisë duke mos përmenden mënyrën e ndarjes nëpër komuna, Arifi ka prezentuar një plan investimesh prej 950000 euro.
“Projektet e planifikuara si mëposhtë, do të adresojnë nevojat më elementare të banorëve preshevarë dhe janë paraparë të realizohen me mjetet e dedikuara nga Qeveria e Kosovës.” ka shkruar Arifi mes tjerash në facebook, duke promovuar projektet “Parku Qëndror në Preshevë: 340000€”; “Renovimi i Shkollës në Rahovicë: 340000€”; dhe “Ujësjellsi në fshatin Norçë: 270000€”.
Në vazhdim ju sjellim postimin e plotë të Arifit të publikuar në faqen e tij në rrjetin shoqëror facebook:
2 milio eurot e parapara për Luginën nga Qeveria e Kosovës për vitin 2022, ende të patransferuara në buxhetet e komunave shqiptare të Preshevës, Bujanocit dhe Medvegjës
Kjo situatë aktuale përveç është shqetësuese, do të vështirësoj gjithashtu dhe realizimin e 2 milion eurove për pesë muajt e mbetur të vitit.
Vonesa e transferit të mjeteve shkakton vështirësi edhe në realizimin e projekteve për këtë vit, rrjedhimisht të detyruar projektet do të duhet të shtyhen për vitin e ardhshëm; gjë që i dëshpëron qytetarët.
Projektet e planifikuara si mëposhtë, do të adresojnë nevojat më elementare të banorëve preshevarë dhe janë paraparë të realizohen me mjetet e dedikuara nga Qeveria e Kosovës.
Duhet theksuar se raportet mes Qeverisë së Kosovës dhe udhëheqjes lokale në Preshevë, nuk janë aspak të mira që nga shkarkimi i Ardita Sinanit nga pozita e kryetares së Preshevës, si pasojë e akuzave të kryetarit Arifi ndaj ministrave dhe qeverisë të udhëhequr nga Albin Kurti.
Që nga muaji prill, nga kur Shqiprim Arifi udhëheqë me Komunën e Preshevës nuk ka arritur të takohet me asnjë përfaqësues institucional të Republikës së Kosovës, si pasojë e raporteve jo që mira të krijuar së fundmi.