Që nga vitet 1900, popullsia globale ka qenë vetëm në rritje, me shtete si Kina apo India që përfaqësojnë rritjen më të lartë.
Studiuesit presin që vala e ardhshme e rritjes së popullsisë do të prekë Afrikën, ku në vitin 2019, mesatarja për një grua në Niger ishte 6 fëmijë.
Sipas të dhënave të OKB-së, këto janë shtete që po shpopullohen me ritmin më të shpjet.
Të dhënat janë akumuluar për të projektuar ndryshimet nga viti 2020 – 2050.
Shumë nga këto shtete gjenden në Evropën lindore, dhe fatkeqësisht Shqipëria është mes tyre.
Arsyeja kryesore për këtë është ulja e lindjeve, që është një problem në rritje në rajon, ku mesatarja 2.1 fëmijë për grua në vitin 1988, ra në 1.2 fëmijë në vitin 1998.
Emigrimi është gjithashtu një arsye kryesore e cila ka prekur këtë rajon si dhe zgjerimi i Bashkimi Europian.
Japonia
Japonia është një nga ato shtete ku lindshmëria ka rënë vazhdimisht që nga viti 1970.
Si pasojë e nivelit të ulët të lindjeve, ky ishull ka edhe moshën më të lartë mesatare – që është 49 vjeç.
Kuba
Kuba është gjithashtu një nga këto shtete, ku mesatarja prej 1.7 fëmijë për çdo grua është më e ulëta në të gjithë Amerikën Latine.
| Vendi | Shteti | Rënia nga viti 2020-2050 |
| 1 | Bullgaria | 22.5% |
| 2 | Lituania | 22.1% |
| 3 | Letonia | 21.6% |
| 4 | Ukraina | 19.5% |
| 5 | Serbia | 18.9% |
| 6 | Bosnja | 18.2% |
| 7 | Kroacia | 18.0% |
| 8 | Moldavia | 16.7% |
| 9 | Japonia | 16.3% |
| 10 | Shqipëria | 15.8% |
| 11 | Rumania | 15.5% |
| 12 | Greqia | 13.4% |
| 13 | Estonia | 12.7% |
| 14 | Hungaria | 12.3% |
| 15 | Polonia | 12.0% |
| 16 | Gjeorgjia | 11.8% |
| 17 | Portugalia | 10.9% |
| 18 | Maqedonia e Veriut | 10.9% |
| 19 | Kuba | 10.3% |
| 20 | Italia | 10.1% |