Në ambientet e Kuvendit komunal të Bujanocit, të mërkuren me fillim prej orës 10:30h u zhvillua seminari “Fëmijët dhe koha para ekranit”.
Ky seminar i organizuar nga Kuvendi i Bujanocit dhe i mbështetur nga Organizata për Siguri dhe Bashkupinim Europian, mblodhi njerëz të sferave të psikologjisë dhe pedagogjisë, mbi të gjitha njerëzit që me profesion trajtojnë fëmijët.
Hapjen e seminarit e bëri kryekuvendari Enver Ramadani, ku theksoi që sot fëmijët po rrezikohen nga ekranizimi i tepërt.
Nga ana tjetër profesoresha nga Universiteti i Beogradit, theksoi që, pandemia ka rrit varshmërinë e njerëzve për ekranet në përgjëthsi, duke mos “shpëtuar” as fëmijët nga ky fenomen që tashmë po merrë masa të jashtëzakonshme.
Ajo ka folur edhe për shifrat e larta të njerëzve që sot janë drejtëpërdrejtë të prekur nga ekranizimi, e që është një rrezik shumë i madh.
Pediatrija Dr.Flora Huruglica – Halili, në prezentimin e saj ka treguar se sa mund të ndikojë negativisht ekranizmi tek fëmijët, derisa psikologia Arta Hasani – Maksuti, ka treguar për çrregullimet që mund të bartin fëmijët që rregullisht varen nga ekranizimi dhe ndikimi i tyre në çrregullimet psikologjike.