Dr. Ali Binzair e ka shkruar “Tao of Dating” për një grup të caktuar të njerëzve – për inteligjentët!
Si student në Harvard, pastaj si këshillues, Binzair e ka vërejtur një fenomen që është prezent mes të mençurve.
Për inteligjentët, është tejet e vështirë ta gjejnë dhe ta mbajnë një lidhje dashurie.
Ka shumë arsye se përse inteligjentët e kanë më vështirë ta gjejnë dhe ta mbajnë dashurinë.
Më poshtë i keni disa prej tyre!
Arritjet para lidhjeve!
Fëmijët që konsiderohen të mençur dhe përfundojnë në universitetet më prestigjioze në botë, janë të përqendruar pas arritjeve e jo pas lidhjeve.
Kjo mund të jetë për shkak të faktit se prindërit e tyre i dëshirojnë më shumë arritjet.
Fëmijët e mençur supozohet të marrin nota të mira, të gjejnë kohë për të praktikuar piano, ta mësojnë një instrument tjetër, të shkëlqejnë në shkencë apo matematikë.
Duke u rritur të përqendruar pas arritjeve, fëmijët e tillë kanë më pak kohë të mësojnë se si t’i zhvillojnë miqësitë, gjë e cila është hapi i parë për ta gjetur dashurinë romantike.
Besimi i gabuar: Arritjet janë të barabarta me Dashurinë
Fatkeqësisht, personat e mençur mësojnë se arritjet janë të barabarta me dashuri dhe admirim nga kolegët e prindërit.
Ata besojnë se kjo gjë pastaj shndërrohet në takime romantike.
Së pari siguria
Ka diçka që të gjithë inteligjentët e bëjnë, e ajo gjë është mendimi.
Ata mendojnë për problemet e tashme dhe të ardhme. Ata e analizojnë çdo gjë dhe ky analizim e mendim i shpie të mendojnë për problemet e vërteta në lidhje.
Është shumë e vështirë ta shijoni kohën me një person nëse mendoni se çfarë mund të ndodh në të ardhmen.
Çfarë nëse partneri/ja ime nuk është e duhur? Çfarë nëse ndahemi? /Telegrafi