Banorët e fshatit Miratoc kanë vërejtur disa punime të kryera në kufirin Miratoc – Llojan.
Direktno.rs ka raportuar se Serbia në heshtje ka filluar ngritjen e rrethojave kufitare me Maqedoninë dhe Bulgarinë, si mbrojtje nga një fluks i ri i mundshëm i refugjatëve nga Lindja e Mesme e të cilët ndodhen në Turqi dhe Greqi.
Edhe pse gjatë shumë fushatave elektorale andej edhe këndej kufirit, është propaganduar hapja e vendkalimit kufitar Miratoc – Llojan, premtimi për hapjen e këtij vendkalimi kufitar duket se ka marrë fund për gjithmonë.
Plani është që gardhi të jetë i pajisur me reflektorë dhe pjesë speciale në majë, të cilat fizikisht do t’i parandalonin emigrantët të hynin në territorin e Serbisë, shkruan direktno.rs.
