Qeveria në detyrë e Republikës së Kosovës ka mbajtur mbledhjen e 264-të në të cilën ka ndarë 580 mijë euro për bashkëfinancimin e projektit për ndërtimin e Shkollës së Muzikës dhe Muzeut të Preshevës.
Qeveria në detyrë e Republikës së Kosovës, në mbledhjen e saj të 264-të të mbajtur sot, ka miratuar vendimin për ndarjen e 580,000 eurove për ndërtimin e objektit të përbashkët që do të shërbejë si Shkollë e Muzikës dhe Muze i Preshevës.
Fondet do t’i kalojnë Komunës së Preshevës, e cila do të zbatojë projektin në kuadër të planit të saj zhvillimor për ngritjen e infrastrukturës publike në fushën e kulturës dhe arsimit.
Ky vendim paraqet mbështetje të drejtpërdrejtë nga Qeveria e Kosovës për shqiptarët në Luginën e Preshevës.