Lëvizja Vetëvendosje nesër në ora 17:00 pritet të mbajë protestë.
Organizatorët e kësaj proteste kanë filluar të bëjnë përgatitjet në sheshin Skënderbeu.
Ata gjatë pasdites së sotme janë parë duke vendosur shenjat e distancës fizike në zbatim me rregullat e vendosura nga institucionet shëndetësore.
PreshevaPRESS ju sjell disa fotografi nga aktivistë të VV-së, gjatë vendosjes së këtyre shenjave.
Mbajtjen e kësaj proteste e ka konfirmuar edhe Policia e Kosovës.
Nga ky institucion kanë deklaruar se se kjo protestë do të mbahet në përputhje me rregullat e vendosura nga institucionet shëndetësore në vend dhe në zbatim me ligjin.
Nga Lëvizja Vetëvendosje kanë deklaruar se në këtë protestë pritet të marrin pjesë rreth 5 mijë persona.