Lista shqiptare “Koalicioni i shqiptarëve të Luginës” fillon me grumbullimin e nënshkrimeve përkrahëse.
Partia për Veprim Demokratik pas publikimit të lajmit për bashkimin me Partinë Demokratike dhe Lëvizjen e Progresit Demokratik në Bujanc, në krijimin e listës pjesmarrëse në zgjedhjet parlamentare në Serbi, ka njoftuar për fillimin e grumbullimit të nënshkrimeve përkrahëse për këtë listë.
Ajo përmes publikimit të njoftmit në faqen e kësaj partie në rrjetin social facebook, PVD fton qytetarët shqiptarë të komunës së Preshevës dhe Bujanocit që nga nesër të përkrahin listën “Koalicioni i shqiptarëve të Luginës” duke deponuar nënshkrimin e tyre.
Nënshkrimet në komunën e Preshevës do të grumbullohen në zyret e Partisë për Veprim Demokratik duke filluar nga ora 16:00, derisa në Bujanoc ky aktivitet do të zhvillohet në hapësirat e shtëpisë së kulturës me fillim nga ora 08:00.
Në vazhdim njoftimi i plotë i publikuar në faqen e PVD-së në facebook:
KOALICIONI I SHQIPTARËVE TË LUGINËS fillon me grumbullimin e nënshkrimeve përkrahëse në Bujanoc dhe Preshevë
Ftohen të gjithë qytetarët shqiptar të Komunës së Bujanocit dhe Preshevës që me nënshkrimin e tyre t’i japin mbështetje Listës “Koalicioni i shqiptarëve të Luginës”.
Grumbullimi i nënshkrimeve në Bujanoc do të fillojë nga ora 08:00 në Shtëpinë e Kulturës në Bujanoc.
Në Preshevë, me fillim nga ora 16:00, në Zyrat e Partisë për Veprim Demokratik.