Organizata e të rinjve Livrit Creative Center në Preshevë sjell edicionin e parë të festivalit “Xhadefest” nga data 28 deri më 30 korrik.
Festivali “Xhadefest” në Preshevë do të fillojë ditën e pemte, më 28.07.2023, me hapjen e ekspozitave të Laureta Hajrullahut nga Presheva, Lluka Knezheviq nga Beogradi dhe Luiza Thaqi nga Prishtina.
Per diten e dytë janë paraparë tri panel diskutime mbi artin alternativ të rrugëve dhe shfrytëzimin e hapësirave publike për të kirën e publikut.
Dita përmbyllëse e Xhadefest është rezervuar për muzikë të llojllojshme nga artistët që vijnë nga Tirana, Beogradi, Shkupi dhe Prishtina.
Para publikut do të performojnë dj të ndryshëm, derisa për mbylljen dhe pèrfundimin e festivalit janë rezervuar bendi i njohur Asgjë sikur dielli.
Festivali “Xhadefest” organizohet për herë të parë në Preshevë nën përkrahjen financiare të Qeverisë zë Republikës së Kosovës përmes Fondit për Luginën e Preshevës të shpërndarë nga Këshillit Kombëtar Shqiptar.
