Shtabi republikan për luftën kundër pandemisë Covi19, do të mblidhet sot në orën 08:00, për të diskutuar rreth gjendjes epidemiologjike në Serbi.
Situata epidemiologjike në Serbi është shqetësuese, tha mbrëmë sekretari krahinor për shëndetësi dhe anëtar i Shtabit të Krizave të Qeverisë së Serbisë për parandalimin e shpërndarjes së pandemisë Covid19, Zoran Gojkoviq.
Sipas raportimit të mediave nga Beogradi, bë këtë takim do të bisedohet për shtrëngimin e masave me theks të veçantë në shkollat fillore dhe të mesme, derisa do të diskutohet shkurtimi i orarit të punës për bizneset në fushën e gastronomisë dhe qendrat tregtare bë vendet me numrin e madh të infektimeve.
Virusologja Tanja Jovanoviq ka thënë se anëtarët e pjesës së shëndetësisë në shtabit republikan të krizave në takimin e sotshëm do të kërkojë shtrëngimin e masave kundër shpërndaljes së pandemisë.
Gojković ka thënë se në Serbi deri më tani 1,3 milion qytetarë kanë pranuar dozën e parë të vaksinës kundër Covid19, derisa 472.000 qytetarë kanë pranuar dozën e dytë.
Të gjitha informacionet në lidhje me gjendjen pandemike në vend mund t’i gjeni duke klikuar në këtë vegëz apo në faqen NË FOKUS nën seksionin PANDEMIA COVID19 NË LUGINË.