Anëtarët e Këshillit Kombëtar Shqiptar së bashku me disa të rinj vullnetar nga Presheva gjatë ditës së sotme kanë shpërndarë mjete mbrojtëse: maska, dezinfektues si dhe kostume mbrojtëse(skafandra) për mjekët dhe infermierët e Covid ambulantës në Preshevë, gjithashtu janë ndarë maska nëpër xhamitë e Preshevës para lutjeve të së premtes (faljes së Xhumasë).
Kjo iniciativë e ndërmarr nga Këshilli Kombëtar Shqiptar në bashkëpunim me Këshillin Kombëtar Boshnjak në Serbi, donacion nga Republika e Turqisë vije pas rritjes së numrit të të infektuarve në Luginë të Preshevës muajin e fundit, e ku shihet nevoja e ndërmarrjes së veprimeve konkrete për parandalimin e përhapjes së virusit korona.
Respektimi i masave, mbajtja e distancës sociale, vendosja e maskave si dhe mirëmbajtja e higjienës duhet të vazhdojnë të jenë prioritet i yni në luftën kundër Covid-19.
Vlen të theksohet se mjete të njëjta mbrojtëse do të shpërndahen edhe në Bujanoc ditëve në vijim.
