SECILËS PARTI TË LISTËS SË PËRBASHKËT DO T`I TAKOJNË 20% NGA FINANCAT PARLAMENTARE

Mbrëmë në sallën e konferencave të Komunës së Preshevës, për gati 5 orë janë takuar përfaqësuesit e partive pjesëmarrëse në zgjedhjet parlamentare në Serbi dhe Ambasadorit shqiptar në Beograd, Ilir Boçka.

---

Siç ka raportuar mbrëmë PreshevaPRESS, në takimi mes Ambasadorin e Republikës së Shqipërisë Ilir Boçka kanë qenë edhe: nga Partia për Veprim Demokratik Shaip Kamberi, Ardita Sinani dhe Rahim Salihu; nga Alternativa për Ndryshim Shqiprim Arifi dhe Visar Memeti; nga Partia Demokratike Nagip Arifi dhe Sali Salihi; nga Lëvizja e Progresit Demokratik Shqiprim Musliu dhe Adnan Salihu; si dhe si dhe nga Lëvizja për Reforma Sami Salihu dhe Liridon Latifi.

Takimi është thirrur për të finalizuar detajet e marrëveshjes për listën e përbashkët shqiptare në zgjedhjet parlamentare të Serbisë më 21 qershor, “Alternativa Demokratike Shqiptare – Lugina e Bashkuar”.

Siç mëson PreshevaPRESS, në takimin e mbrëmshëm që zgjati më pak se pesë orë, nën prezencën e Ambasadorit Boçka, është debatuar edhe për mjetet financiare të listës së përbashkët të shqiptarëve në zgjedhjet parlamentare të Serbisë më 21 qershor, “Alternativa Demokratike Shqiptare – Lugina e Bashkuar”.

Partitë politike që përbëjnë listën e përbashkët shqiptare në zgjedhjet parlamentare serbe që do të mbahen më 21 qershorë, janë dakorduar që të i shpërndajnë në mënyrë të barabartë, formulë sipas të cilës secialës parti i takojnë 20% e totalit.