PreshevaPRESS ka mësuar se pak minuta më parë me ndihmën e kryeministrit Kurti, është arritur marrëveshja për bashkëqeverisje mes PVD-së dhe PDSH-së.
Sipas rezultateve të zgjedhjeve lokale në Preshevë, Partia për Veprim Demokratik ka fituar 11 këshillëtar në Kuvendin e Komunës së Preshevës, derisa Partia Demokratike Shqiptare 9 mandate, që mjaftojnë për të krijuar shumicë në kuvend.
Ardita Sinani do të udhëheqe për 4 vitet e ardhshme me Preshevën, derisa Mustafa do të marrë pozitën e zëvendëskryetarit të Komunës së Preshevës.
Mbetet të shihet deri në seancën konstituive të thirrur për 20.07.2024, ditë e shtunë, me fillim në orën 10:00, a do të përfshihen në koalicion edhe Alternativa për Luginën me 3 këshilltarë dhe Unioni Demokratik Shqiptar me një këshilltar.
Sipas burimeve të PreshevaPRESS, sot në mbrëmje do të publikohet lajmi i arritjes së marrëveshjes, derisa nesër do të punohet deri në përgatitjen e materjaleve të nevojshme për seancë.
18:31 PVD në Preshevë fton mbledhje urgjente të kryesisë në ora 19:00
Pas raportimeve për arritjen e marrëveshjes mes PVD-së dhe PDSH-së nga PreshevaPRESS, në selinë e PVD-së në Preshevë kanë arritur përfaqësues të Aleancës për Luginën.
PreshevaPRESS gjithashtu mëson se PVD ka ftuar mbledhjen e kryesisë së degës së Preshevës për sot në orën 19:00.
20:02 Përfundon mbledhja e PVD-së, pritet nënshkrimi i marrëveshjes me PDSH-në
Ka përfunduar mbledhja e kryesisë së degës së PVD-së në Preshevë, në të cilën kanë marrë pjesë edhe këshillëtarët e zgjedhur në zgjedhjet lokake të 2 qershorit.
Në mbledhje PVD ka konfirmuar lajmin e publikuar për herë të parë nga PreshevaPRESS, për arritjen e koalicionit mes PVD-së dhe PDSH-së, me ç’rast ka informuar këshillëtarët për dakordimin e bashkëqeverisjes.
Sonte pritet nënshkrimi i marrëveshjes dhe zyrtarizimi i saj në publik, edhe pse asnjëhera nga partitë nuk ka ftuar mediat për të përcjellë ceremoninë e nenshkrimit ose ndonjë konferencë për media pas nënshkrimit të marrëveshjes.
Lajmi në përditësim…