Në mbledhjen emergjente të Qeverisë së Serbisë, të mbajtur sot në mesdite, mes tjerash , u miratuan disa masa të reja në lidhje me parandalimin e përhapjes së pandemisë COVID-19.
“Orari i punës së lokaleve hotelierike, dyqaneve, qendrave tregtare dhe objekteve të tjera të tregtisë me pakicë, teatrove dhe kinemave, lokalet të lojërave të fatit speciale dhe klasike, do të duhen të mbyllen nga ora 21:00 deri në ora 05:00 e mëngjesit”, thuhet në njoftimin e publikuar nga Qeveria e Serbis%.
Të vetmet biznese që do të funksionojnë edhe pas orës 21:00, janë farmacitë, pompat e benzinës dhe lokalet që merren me përgaditjen e ushqimeve dhe shpërndarjen e ushqimit tek konsumatorët. Njejtë orarit të ri nuk do t’i nënshtrohen edhe ndërmarrjet që funksionojnë e dhe në “ndërrimi i tretë”.
Këto masa do të hyjnë në fuqi të marten (më 17 nëntor) dhe do të vlejnë për 15 ditë, deri në 1 Dhjetor, kur qeveria do të vendosë përsëri për masat e reja.