Në një intervistë me Ora News, Ragmi Mustafa kryetari i Partisë Demokratike Shqiptare nga Lugina e Preshevës u shpreh se të gjitha të dhënat e tregojnë se Radoiçiç është një kriminel që merret me kontrabandë mallrash.
Ai tha se shqiptarët e Luginës së Preshevës janë të lidhur me Kosovën dhe Shqipërinë, dhe çdo lajm jo i mirë në Kosovë, padyshim i shqetëson ata.
“Të gjitha të dhënat e tregojnë se Radoiçiç është një kriminel që merret me kontrabandë mallrash me vlerë akcizash të mëdha. Ai nuk ka paguar në këto 20 e ca vite as në Kosovë dhe as në Serbi. Ai pasur aty një oaz të madh dhe ka bërë një krim ekonomik”, tha Mustafa.
Ai u shpreh se shqiptarët e Luginës së Preshevës janë të lidhur me Kosovën dhe Shqipërinë dhe çdo lajm jo i mirë në Kosovë, padyshim i shqetëson ata, pasi janë të pambrojtur. Në këtë aspekt padyshim shqiptarët për këto 20 e ca vite, pas luftës, shohim forca ushtarake policore mbase çdo ditë.