Në seancën e 139 të Komisionit Zgjedhor Republikan (KZR) të Serbisë, të realizuar më 05 qershor është certifikuar lista ” ALTERNATIVA DEMOKRATIKE SHQIPTАRE/LUGINA E BASHKUAR” .
“KZR ka shpallur listën zgjedhore “ALTERNATIVA DEMOKRATIKE SHQIPTARE / LUGINA E BASHKUAR” dhe miratoi Vendimin për plotësimin e kushteve për caktimin e një përfaqësuesi të listës zgjedhore në përbërjen e zgjeruar të organit për realizimin e zgjedhjeve për deputet popullorë, e që Farush Islami, jurist i diplomuar nga Bujanoci është emëruar si anëtarë, dhe Ismail Pajaziti, gjithashtu jurist i diplomuar nga Bujanocit si zëvendës i tij në përbërjen e zgjeruar të Komisionit Zgjedhor Republikan” thuhet në njoftimin e këtij institucioni në faqen zyrtare në internet.
Lista e përbashkët e partive shqiptare të Luginës “ALTERNATIVA DEMOKRATIKE SHQIPTARE / LUGINA E BASHKUAR” në zgjedhjet parlamentare do të garojë me numrin 16, ka njoftuar Shaip Kamberi, kandidati i parë për deputet në këtë listë.
“Faleminderoj 4800 përkrahësit e PVD-së në veçanti, e 11730 përkrahësit e kësaj liste në përgjithësi, që me nënshkrimin e tyre përkrahen këtë Listë zgjedhore.” ka shkruar Kamberi në facebook duke njoftuar për certifikimin e listës shqiptare për zgjedhjet parlamentare.