Vrasja në Gjilan – Dënohen Lirim Jakupi, Afrim Ismajloviqi dhe Faton Osmani

Gjykata Themelore e Gjilanit ka shpallur fajtorë dhe i ka dënuar Lirim Jakupin, Afrim Ismajloviqin dhe Faton Osmanin për akuzën vrasje të rëndë dhe ndihmë në vrasje.


Bakush Veseli ishte vrarë në shtator të vitit 2021, në një kafiteri në Gjilan.

Lirim Jakupi është dënuar me 27 vite burgim si dënim unik për vrasje të rëndë dhe armëmbajtje pa leje, kurse Afrim Ismajloviq është dënuar me 24 vite burgim, për vrasje të rëndë dhe armëmbajtje pa leje.

Për ndihmë në kryerje të vrasjes së rëndë është dënuar Faton Osmani me 15 vite burgim.

Trupi gjykues që mori këtë vendim përbëhet nga Naser Maliqi kryetar, Islam Thaçi dhe Sahit Boroci anëtarë.

Si ka ndodhur vrasja sipas prokurorisë?

Sipas dosjes së prokurorisë, ngjarja kritike kishte ndodhur në kafiterinë “Premium” në rrugën “William Shakespeare” në Gjilan.

“Lirim Jakupi dhe Afrim Ismajloviq pas një përgatitje paraprake, me dashje dhe në bashkëveprim, kanë privuar nga jeta tani të ndjerin B.A. nga Gjilani dhe kanë vënë në rrezik me dashje jetën e disa personave tjerë që kanë qenë në kafiteri dhe afërsi të të ndjerit”- përshkruhet në dosjen e prokurorisë.

Sipas Prokurorisë, ata kishin shkuar të armatosur me veturën e markës “Audi A3”, të cilën po e drejtonte Faton Osmani, armët që i kishin poseduar të njëjtit kishin qenë pistoletë të kalibrit 9 mm, dhe kalibrit 7.65 mm.

Aktakuza e Prokurorisë thotë që pasi kishin arritur në vendin e ngjarjes në kafiteri, i ishin afruar në shpejtësi tani të ndjerit Bakush Veselit i cili kishte qenë në shoqëri edhe me dy persona të tjerë ulur duke biseduar dhe të akuzuarit kishin shtënë me revole plot 14 herë.

“Dy të pandehurit Jakupi dhe Ismajloviq, me armë në dorë dhe nga distanca rreth një metër, i pari shtënë me pistoletë të kalibrit 9 mm, duke i zbrazur 8 fishekë dhe në vazhdim edhe i pandehuri tjetër me revolën tjetër të kalibrit 7.65 mm, duke e goditur me këtë rast tani të ndjerin me gjashtë plumba në pjesët vitale të trupit nga të cilat i njëjti ndërron jetë menjëherë” – përshkruhet në dosjen e Prokurorisë.

Sipas dosjes, pas kryerjes së vrasjes, ata ishin larguar nga vendi ngjarjes drejt veturës që ishte duke i pritur dhe kishin ikur në drejt të lagjes “Arbëria”.

Derisa aktgjykimi të marrë formën e prerë, të dënuarve do ju vazhdohet masa e paraburgimit, thuhet në njoftimin e gjykatës.

ARTIKUJT E NGJASHËM

DASH: Rusia po kërkon të shfrytëzojë tensionet ndëretnike në Kosovë dhe rajon

PreshevaPRESS

Politikani gjerman thotë se mund të rikthehet ideja e shkëmbimit të territoreve Kosovë – Serbi

PreshevaPRESS

Kosova me 1.586.659 banorë rezidentë

PreshevaPRESS