Në mbledhjen e sotme të Ekipit të Shkollave u diskutua për situatën epidemiologjike në vend dhe u konstatua se nuk ka pengesa që viti shkollor të fillojë më 1 shtator, si dhe forma e mësimdhënies të jetë e menjëhershme, pa kufizim të numrit të nxënësve në paralele, njoftoi Ministria e Arsimit të Republikës së Serbisë.
“Duke pasur parasysh situatën aktuale epidemiologjike dhe faktin se me aplikimin e masave të duhura shkollat nuk kanë qenë vendi kryesor i transmetimit të virusit deri më tani, u konstatua se kthimi i nxënësve në klasa nuk do të ndikojë në rritjen e numrit të të infektuarve”, ka thënë ministri i Arsimit, Branko Ruzhiqt, thuhet në komunikatë.
Ai shpjegoi se nëse, gjatë qëndrimit në shkollë, një nxënës shfaq simptoma të një sëmundjeje që mund të tregojë COVID-19, shkolla njofton prindërit dhe deri në mbërritjen e tyre, nxënësi vendoset në një hapësirë të veçantë, nën mbikëqyrjen e një punonjësi të shkollës dhe njëkohësisht nxënësi dhe punonjësi duhet të mbajnë maskë.
Nëse shfaqen simptoma gjatë qëndrimit të punonjësit në shkollë, punonjësi është i detyruar të vendosë menjëherë maskën dhe të largohet nga shkolla për të shkuar në ekzaminimin te mjeku.
Rekomandimi i Ekipit për shkollat është që të zbatohen në mënyrë konsekuente masat e parapara për mbrojtjen e përgjithshme dhe personale kundër infeksionit. Veçanërisht për personat e ndjeshëm me rrezik të shtuar të formave më të rënda të sëmundjes rekomandohet përdorimi i maskës mbrojtëse në situata të grumbullimeve masive në ambiente të mbyllura pa mundësinë e mbajtjes së distancës.
Për të mbështetur shkollat, ekspertët e Institutit për Shëndet Publik “Dr. Milan Jovanović Batut” rishikuan masat e rekomanduara për parandalimin e COVID-19 në shkolla dhe institucione të standardit të nxënësve dhe studentëve, të cilat Ministria ua përcolli shkollave përmes administratës së shkollave. .
Ruzhiq tha se udhëtimet, ekskursionet dhe udhëtimet e tjera për nxënësit dhe fëmijët në shkolla dhe kolektivet parashkollore janë të lejuara.
“Përpara se të kryejnë ekskursionin, shkollat janë të detyruara të mbledhin deklarata nga prindërit se fëmijët nuk kanë e as kanë pasur në shtatë ditët e mëparshme simptoma të infeksionit, nuk janë trajtuar për COVID-19 në të njëjtën periudhë dhe se nuk ka pasur raste me COVID-19 tek anëtarët e familjes së ngushtë, si dhe të sigurohet mbikëqyrje mjekësore nga mjeku gjatë një udhëtimi më të gjatë se një ditë, me qëllim zbulimin në kohë të simptomave dhe shenjave të mundshme të infeksionit” ka thënë Ruzhiq bëhet e ditur në komunikatë.
Duke pasur parasysh se pandemia është ende aktive, si dhe se ekzistojnë faktorë rreziku që mund të çojnë në përkeqësim të situatës epidemiologjike, Ekipi për shkolla do të vazhdojë të shqyrtojë situatën epidemiologjike në baza javore, të shqyrtojë dhe rishikojë rekomandimet, të cilat do të ndryshohet sipas nevojës, njoftoi ministri.