Komisioni Rregullator për Energjetikë (KRRE) i Republikës së Maqedonisës të Veriut në mbledhjen e sotme duhet të vendos për çmimet e reja të derivateve të naftës me pakicë, shkruan Alsat.
Çmimet e reja eventuale do të hyjnë në fuqi nga mesnata dhe do të zgjasin deri të hënën e ardhshme. Kujtojmë se javën e kaluar KRRE-ja vendosi për rritjen e çmimeve të derivateve të naftës, ndërkohë që sot në mesditë do të mësojmë nëse do të ketë rritje apo ulje të çmimeve.
Ndërkohë që kohë më parë Alsat raportoi se çmimet e derivateve për një vit në Maqedoni janë rritur për mbi njëzet denarë për litër.