Kryetari i Kuvendit Komunal të Bujanocit, Driton Rexhepi, ka thirrur seancën e gjashtë të rregullt të Kuvendit Komunal, e cila do të mbahet më 14 nëntor 2025 (e premte), në sallën e Kuvendit Komunal, me fillim nga ora 10:00.
Në rendin e ditës parashihen disa pika me rëndësi për funksionimin e komunës, përfshirë:
- Rishikimin e buxhetit të Komunës së Bujanocit për vitin 2025;
- Shpërndarjen e mjeteve për investime nga buxheti i Trupit Koordinues të Qeverisë së Serbisë për komunat Preshevë, Bujanoc dhe Medvegjë;
- Raportin mbi të ardhurat dhe shpenzimet e realizuara nga 1 janari deri më 30 shtator 2025;
- Propozime për emërimin e komisioneve dhe këshillave të ndryshëm komunalë;
- Vendime për taksat administrative dhe kompensimet për hapësira publike për vitin 2026;
- Si dhe çështje të tjera të rëndësishme për organizimin dhe funksionimin e administratës komunale.
Në fund të seancës është paraparë pika “Të ndryshme”.
