Kohës së fundit Lugina e Preshevës po gëzon vëmendje të veçantë të qeverisë së Shqipërisë dhe Kosovës.
Pas vizitës së Ministrit për Evropën dhe Punët e Jashtme të Republikës së Shqipërisë, Gent Cakaj, Lugina e Preshevës pritet të vizitohet nga dy ministrat e Qeverisë Hoti.
Ministri i Drejtësisë së Republikës së Kosovës, Selim Selimi, dhe Ministrja e Punëve të Jashtme dhe Diasporës së Republikës së Kosovës, Meliza Haradinaj – Stublla, tanimë kanë bërë kërkesë në institucionet e Serbisë për të realizuar një vizitë në Luginën e Preshevës.
Sipas informacioneve që PreshevaPRESS ka arritur të sigurojë nga Ministria e Drejtësisë, vizita planifikohet të realizohet ditën e enjte, mirë por ende nuk mundet të konfirmohet pasi që nuk kanë pranuar ndonjë përgjigje nga institucionet e Serbisë.
Vlen të theksohet se kjo është vizita e parë e përfaqësuesve shtetëror të Republikës së Kosovës në Luginë pas një kohe të gjatë.