Qeveria e Serbisë ka vendosur që e hëna, 31 mars 2025, të jetë ditë pushimi për të gjitha institucionet publike në shenjë nderimi për festën e Fitër Bajramit, transmeton PreshevaPRESS.
Vendimi vjen në një kohë kur Serbia po përballet me protestat më të mëdha antiqeveritare në historinë e saj. Për javë të tëra, mijëra qytetarë në Beograd dhe qytete të tjera të vendit po kërkojnë dorëheqjen e qeverisë dhe ndryshime të thella politike, duke akuzuar pushtetin për korrupsion, shkelje të të drejtave të njeriut dhe kapje të institucioneve.