Është miratuar kohëzgjatja e orës policore, ose ndryshe ndalimi i lëvizjes së lirë për shkak të pandemisë së koronavirusit, shkruajnë mediat serbe.
Qeveria e Serbisë ka miratuar orarin e orës policore për vikendin e ardhshëm, duke e ndaluar lëvizjen e të gjithë qytetarëve me vendbanim në territorin e Republikës së Serbisë nga e premtja, 17 prill, në orën 17:00, deri të marten e javës së ardhshme, më 21 prill në orën 05:00.
Kështu që u vendos që vikendin e ardhshëm të kemi orë policore më të gjatë se fundjavën e kaluar, në mënyrë që qytetarët të qëndrojnë në shtëpitë e tyre për gjithsej 80 orë.
Ky vendim nuk ishte aspak i lehtë, duke pasur parasysh se festa e pashkëve është më 19 prill, e që është festa më e madhe krishtere, arsye kjo pse Kisha Ortodokse Serbe ka thënë se ora policore për këtë ditë duhet të shfuqizohet.