Pak ditë para se të skadojnë afatet ligjore për konstituimin e Kuvendit në Komunën e Preshevës, Kurti takohet përseri me liderin e PDSH-së, Ragmi Mustafa.
Kryministri i Kosovës, Albin Kurti, ka vazhduar edhe sot të insistojë në arritjen e një marrëveshje koalicioni në Preshevë midis PVD-së dhe PDSH-së, shkruan FOLonline.
Për këtë qëllim, kryeministri ka takuar sot kryetarin e PDSH, Ragmi Mustafa, njoftojnë burimet e FOLonline nga Prishtina.
Sipas të njejtave burime, nga takimi nuk ka ndonjë rezultat konkret edhepse çështja mbetet e hapur.
Në ndërkohë, mediumi FOLonline nga Bujanoci merr vesh se çështja e koalicionit në Preshevë do të zgjidhet deri ditën e shtunë.
Poashtu bëhet e ditur se mund të rifillojnë bisedimet në kampet tjera politike për të parandaluar shkuarjen në zgjedhje të reja.