Përfaqësues të institucioneve qendrore të Serbisë sot në Bujanoc realizojnë takim me ata të institucioneve lokale.
Sot në Bujanoc do të zhvillohet një takim i nivelit të lartë ndërinstitucional, ku do të marrin pjesë përfaqësues të Trupit Koordinues të Qeverisë së Republikës së Serbisë, Ministrisë për të Drejtat e Njeriut dhe të Pakicave dhe Dialogun Social, si dhe krerët lokalë të komunave me përbërje të përzier etnike.
Kryetari i Trupit Koordinues, Dr. Aleksandar Martinoviq dhe ushtruesi i detyrës së Drejtorit të këtij trupi, Nenad Mitroviq, do të vizitojnë Bujanocin, ku do të takohen me ministrin Demo Berisha, bashkëpunëtorët e tij, si dhe me kryetarët e komunave të Bujanocit dhe Medvegjës, përkatësisht Arber Pajaziti dhe Dragan Kuliq.