Epidemiologu Branislav Tidoroviq pas mbledhjes së Shtabit të Krizave të Qeverisë së Serbisë për luftën kundër epidemisë së koronavirusit ka deklaruar se është marrë vendimi që pushimet shkollore të jenë nga 21 dhjetor deri më 18 janar.
Kur bëhet fjalë për shkollat fillore, Tiodoroviq tha se është vendosur që të vazhdohet puna sipas sistemit ekzistues nga klasa e parë deri në të katërt, por, nga klasa e pestë në të tetën është vendosur që të kalohet në mësimin përmes internetit, derisa çerdhet nuk po mbyllen.
Tiodoroviq shpjegoi se sistemi online duhet të zbatohet deri te fillim i pushimit, në 21 Dhjetor.
“Një vendim i tillë është i vlefshëm për të gjitha shkollat e mesme sepse arritëm në përfundimin se infeksioni që sillet në shtëpi, si të thuash, kryhet në to”, shprehet ai.
Ai shton se edhe fakulteteve u rekomandohet të kalojnë në sistemine mësimit online përmes internetit.
Të gjitha informacionet në lidhje me gjendjen pandemike në vend mund t’i gjeni duke klikuar në këtë vegëz apo në faqen NË FOKUS nën seksionin PANDEMIA COVID19 NË LUGINË.