Gjat ditës së sotme Shefi i misionit të OSBE-së në Sërbi, ambasadori Andrea Orizio, nën shoqërimin e stafit të zyrës së OSBE në Bujanoc është takuar edhe me Kryetarin e Preshevës dhe zavendësin e tij.
“Përveç diskutimeve rreth temave dhe problematikave me të cilat ballafaqohen qytetarët e Luginës së Preshevës tanimë me dekada me radhë, takimin e sotit e shfrytëzuam për të biseduar rreth avancimit të procedurave për hapjen e kalimit kufitar Miratoc – Llojan”, thuhet mes tjerash në njoftimin e bërë në faqen e Shqiprim Arifit në facebook.
Edhe pse në Bujanoc si pjesë e delegacionit të OSBE-së ishte edhe Komisari i lartë për pakica në kuadër të këtij misioni, z.Lamberto Zannier nuk u pa në fotografitë nga takimi me z.Arifi në Preshevë.
Ndër të tjerash thuhet se gjatë takimit i pari i Preshevës ka njoftuar personelin e OSBE-së edhe për problematikën e krijuar së fundmi me largimin e punëtorëve shqiptarë nga barnatorja e qytetit.