Kabineti i Kryetares së Komunës së Preshevës njofton se në rrugën “K. Zozi” është paraqitur një havari në rrjetin e ujësjellësit, ku janë evidentuar defekte në dy pika të ndryshme të linjës.
Ekipet e Ndërmarrjes Publike “Moravica” kanë reaguar menjëherë dhe ndodhen në vendngjarje për të sanuar defektet dhe për të rikthyer funksionimin normal të furnizimit me ujë.
“Sipas informacioneve nga terreni, punimet janë në zhvillim e sipër dhe pritet që gjatë ditës të përfundojnë, duke mundësuar furnizim të rregullt me ujë të pijshëm për banorët e zonës.” thuhet në njoftimin e kabinetit të Kryetares Sinani.
Banorët njoftohen se gjatë kryerjes së punimeve mund të ndodhin ndërprerje të përkohshme të furnizimit me ujë dhe falenderohen për mirëkuptimin.
