Presidenti i Sirisë, Bashar al Assad, njeriu që po mbeht nga Rusia dhe Irani në pushtet ja ka mësyrë t’i përzë ata që ai i konsideron okupatorë nga Siria, synimi i tij është të “çliroj popullin e zemëruar dhe pakënaqur” në lindje të Sirisë. Në lindje të Sirisë gjenden trupat e forcave amerikane dhe aleatët e tyre vendas, që nuk pritet të e shohin si çlirim mësymjen e forcave të regjimit të Assad që nuk kishte kursyer asnjë mjet sikur ishin armët biologjike ndaj tyre.
Lufta civile që nisi në Siri si pjesë e asaj që atëherë quhej si “Pranvera Arabe” në vitin 2011’të pas protestave e pakënaqësive ndaj regjimit të presidentëve të dinastisë Assad në Siri. Ato nisën në Damask e Aleppo dhe më vonë u përshkallëzuan në konflikt të armatosur që u përshkallëzua dhe u shndërrua në një konflikt të përgjakshëm.
Assad tha se caku i radhës i ushtrisë së Sirisë, pas çlirimit të Idlib nga terroristët, do të jenë çlirimi rajoneve lindore të vendit, ku gjenden forcat e armatosura amerikane.
“Nga këndvështrimi ushtarak, caku i parë gjithsesi është Idlib. Është evidente se Turqia, me urdhrin e Amerikës, e ka investuar gjithë mundin që të pengojnë që Idlib të çlirohet, që të parandalojnë që të shkojmë drejt lindjes” tha Assad e shtoi se ai tanimë po bisedonte me njerëzit në lindje të vendit dhe negociatat po vazhdojnë pa pushim.
Ai shtoi se okupimi i këtyre rajoneve lindore po shkakton “zemërim dhe pakënaqësi ” tek njerëzit që jetojnë në atë rajone.
Të gjitha këto Assad jua tha medias ruse “Sputnik” natyrisht, pikërisht në kohën kur Presidenti i Turqisë, Recep Tayyip Erdogan, do të vizitojMoskën për të negociuar me Presidenti e Rusisë, Vladimir Putin, për një marrëveshje për të ndaluar konfliktin mes Sirisë dhe Turqisë përreth bastionit të fundit të kryengritësve sirianë në Idlib.