Në Shkollën Fillore “Prof. Ibrahim Kelmendi” në Preshevë, mbrëmë u zhvillua mbledhja e posaçme për dhënien e mendimit të arsimtarëve mbi kandidatin për pozitën e drejtorit të shkollës, Bardhyl Bajrami.
Votimi u realizua në kuadër të konkursit të shpallur më 8 tetor 2025. Sipas të dhënave të komisionit, nga gjithsej votat e hedhura, 146 ishin pozitive, 16 negative dhe 4 të pavlefshme.
Procesi u zhvillua në përputhje me procedurat e rregullta të konkursit për emërimin e drejtorit të institucionit.
Ndryshe, Bardhyl Bajrami është emëruar në postin e ushtruesit të detyrës së drejtorit të kësaj shkolle me vendim të Këshillit të përkohshëm më 26 qershor 2025, me pëlqim të Ministrisë së Arsimit të Republikës së Serbisë.