Shqiprim Arifi ka reaguar ndaj zbatimit strikt të Ligjit për Komunikacionin dhe Ligjit për të Huajt në Kosovë, duke thënë se këto ligje po prodhojnë pasoja të padrejta për shqiptarët e Luginës së Preshevës.
Sipas tij, qytetarëve të Luginës u kufizohet lëvizja e lirë, u rriten barrat financiare dhe u rrezikohet qasja në punë, arsim dhe shërbime shëndetësore, duke krijuar pasiguri juridike dhe psikologjike.
“Është detyrë dhe obligim, kombëtar, qytetar e moral, që Presidenca dhe Kryeministria, që jo më larg se pak muaj, organizuan e përdorën Luginën dhe qytetarët e Luginës në Kosovë, madje edhe vet institucionin e komunës me në krye doraputhësit e vet, për vota” ka shkruar Arifi në Facebook duke kërkuar nga institucionet në Kosovë të aplikojnë masa lehtësuese, përjashtuese për shqiptarët e Luginës së Preshevës.
Arifi ka kërkuar nga institucionet e Kosovës masa lehtësuese dhe përjashtuese për shqiptarët e Luginës, duke theksuar se mungesa e tyre cenon lidhjet kombëtare dhe përbën dështim politik e moral.