Delegacioni i Komunës së Bujanocit në përbërje të kryetarit Nagip Arifi dhe zëvendësit të tij Musliu, kanë takuar zëvendëskryeministrin e parë të Maqedonisë së Veriut, Artan Grubi.
Përmes një postimi në profilin e tij në rrjetin social facebook, Shqiprim Musliu ka njoftuar se së bashku me kryetarin e Bujanocit, Nagip Arifi, kanë realizuar një vizitë në Republikën e Maqedonisë së Veriut, me ç’rast kanë takuar zëvendëskryeministrin e parë, Artan Grubi.
Musliu takimin e ka quajtur konsultativ dhe premtues në ndërtim të marrëdhënieve të ndërsjellta mes Bujanocit dhe Maqedonisë së Veriut.
Në vazhdim ju sjellim postimin e plotë të Shqiprim Musliut të publikuar në profilin e tij në facebook:
Sot ne nje takim me zv/Kryeministrin e pare te Republikes se Maqedonise se Veriut, z.Artan Grubin diskutuam per mundesine e bashkepunimeve te perbashketa mes Qeverise se Maqedonise dhe Komunes se Bujanocit.
Nje takim sa konsultativ por edhe premtues per ndertimin e marredhenieve te ndersjellta te dy vendeve tona. Ne takim ishim bashke me kryetarin e Komunes z.Nagip Arifin, ku i shpalosem problemet me te cilat po ballafaqohen komuna e Bujanocit dhe qytetaret shqiptar te Lugines se Presheves.
Shkup,
15 tetor 2020