Nëse ndiheni të lodhur përpara kompjuterit, dhimbjen e kokës mund t’jua shkaktojë shikimi i dobët. E nëse nuk bindeni se nuk keni nevojë për syze, ndoshta duhet të ndëërhyni pak në regjimin ushqimor duke përfshirë më tepër ushqime që do të ndikojnë pozitivisht në shikimin tuaj.
Karotat, perimet dhe frutat në ngjyrë portokalli
Frutat dhe perimet portokalli duket se mbartin fuqinë të mprehin shikimin tonë. Falë betakarrotenit dhe vitaminës A, këto fruta apo perime kontribuojnë në shëndetin e syrit.
Jeshillëqet
Perimet me gjethe jeshil janë të pasur në luteinë dhe zeaxanthin, antioksidantë të fuqishëm që ulin ndjeshëm rreziqet që mund të prekin sytë.
Veza
E verdha e vezës është burimi shumë i mirë i luteinës, zeaxanthinës dhe zinkut që sëbashku mbrojnë syrin nga problemet e ndryshme që prekin retinën e jo vetëm.
Qitroja dhe luleshtrydhet
Sipas ekspertëve frutat e pasura me vitamin C janë shumë të mira për shëndetin e syrit.
Bajamet
Ky frut i thatë është i pasur në vitamin E , e rëndësishmë për shëndetin e syve. Një grusht me bajame siguron gati gjysmë dozë të vitaminës E.