Me rastin e dy vjetorit të themelimit të Shoqërisë Kulturore Artistike ‘’ Presheva’’, të premten me fillim nga ora 20:00 ne sheshin e qytetit organizohet program nën patronatin e kreytares Ardita Sinani.
Nën shoqërim të këngëve të vjetra qytetare të interpretuara nga vet anëtarët e Shoqërisë Kulturore Artistike “Presheva”, qytetarët do të mund të shijojnë momentet e bukura të këngës gjatë mbrëmjes së ditës së nesërme.
Përveç anëtarëve të SHKA “Presheva”, në këtë program do të marrin pjesë edhe interpretues nga vende të ndryshme shqipfolëse, si Jetmir Rexhepi, profesor i Kulturës Muzikore, Jeton Pustina, njëashtu profesor nga Tetova, Nuredin Fetahu nga Kumanova, nga Gjilani drejtori i shkollës së muzikës, Kushtrim Jakupi, Ylber Asllanaj, profesor i Kulturës Muzikore nga Prishtina.
Koha e pandemisë ka reduktuar numrin e mysafirëve të ftuar në këtë eveniment kulturorë, derisa të pranishmit do të mund të ndëgjojnë tinguj të bukur të këngës së vjetër qytetarë shqiptare.