Përmes një njoftimi në faqen e Partisë për Veprim Demokratik në facebook është paralajmëruar konferencë për media për sot në orën 13:30.
“Lidhur me situatën aktuale politike në Bujanoc, Partia për Veprim Demokratik, dega në Bujanoc, me fillim prej orës 13:30h, sot, do të zhvillojë konferencë për media. Ftohen të gjitha mediat që t’a përcjellin!” thuhej në paralajmërimin e postuar pak para orës 13:00 në facebook.
Mirë por, 20 minuta më vonë në mënyrën e njëjtë me paralajmërimin e konferencës u bë i ditur lajmi për anulimin e të njëjtës.
“Përshkak se kryetari i Degës Dr.Burhan Halili, ka një udhëtim zyrtar, anulohet konferenca për media e paraparë për ditën e sotme. Për konferencë e rradhës, ju njoftojmë me kohë. Ju falemnderit për mirëkuptim!” thuhet në njoftimin për anulimin e konferencës për media që do të duhej të realizohej sot nga dega e PVD-së në Bujanoc, në lidhje me situatën politike pas zgjedhjeve të mbajtura me 21 qershorë.
Kujtojmë se në Komunën e Bujanocit ende nuk është arritur një marrëveshje për qeverisjen lokale.