Sekretari krahinor i shëndetësisë Zoran Gojkoviq deklaroi pas mbledhjes së shtabit për paramdalimin e shpërndarjes së pandemisë Covid19, se shkollat në Serbi me shumë mundësi do të fillojnë të punojnë sipas modelit që është në fuqi në Vojvodinë, që do të thotë se nxënësit nga klasa e parë deri në klasën e 8-të shkojnë në shkollë për mësime të drejtpërdrejta, ndërsa nxënësit e shkollave të mesme do të ndjekin mësimet online.
“Të martën do të mbahen konsultime shtesë, por mendoj se jemi më afër zgjidhjes që mësimi të zhvillohet si në shkollat e Vojvodinës”, tha ai.
Gjithashtu gjatë kësaj mbledhje, shtabi ka marrur vendim që të shkurtohet koha e izolimit nga 10 ditë në shtatë.
Shtabi gjithashtu ka vendosur që të gjithë ata që duan të testohen me kërkesën e tyre, të paguajnë çmimin e testit PCR 6000 dinarë, në vend të 9000 më parë dhe të ulin çmimin e analizave të antigjenit nga 3500 në 1800 dinarë.
Javën e kaluar, numri pesëshifror i të infektuarve me koronavirus është shënuar në Serbi, me rekord nga e enjtja, kur ishin 13753 raste të reja të infektimit .