Autoritetet franceze janë duke u përgatitur që t’i dëbojnë 231 të huajë, emrat e të cilëve ndodhen në një listë vëzhgimi si të dyshuar për pikëpamje ekstremiste fetare.
Kjo iniciativë vjen vetëm dy ditë pasi një çeçen i lindur në Rusi ia ka prerë kokën një mësuesi në Paris, për shkak se ky i fundit ua kishte treguar studentëve të tij karikaturën e profetit Muhamed, shkruan Reuters.
Franca i përkufizon ekstremistët si njerëz të cilët janë të përfshirë në një proces radikalizmi dhe që mund të udhëtojnë jashtë vendit për tu bashkuar me grupe terroriste.
Nga numri i përgjithshëm, 180 prej tyre ndodhen aktualisht në burg; ndërsa 51 të tjerë pritet të arrestohen gjatë ditëve në vijim.