Policia kufitare në Preshevë, në bashkëpunim me oficerët e Administratës së Policisë së Vranjës, ka arrestuar shtetasin shqiptar S.Z. (30), i dyshuar për prodhim dhe shpërndarje të paautorizuar të substancave narkotike.
Sipas njoftimit të Ministrisë së Punëve të Brendshme, gjatë një kontrolli kufitar në një autobus pasagjerësh në Stacionin Kufitar të Policisë në Preshevë, i dyshuari ka tentuar të hedhë nga autobusi dy pako që përmbanin substancë të dyshuar si heroinë, me peshë totale 758.36 gramë.
Personi i arrestuar është ndaluar për 48 orë dhe pritet të dërgohet në Prokurorinë e Lartë Publike në Vranjë, së bashku me kallëzimin penal përkatës.