Shtrëngimi i masave në luftë kundër pandemisë Covid19 vjen në kohën kur në Kosovë, është rritur numri i të infektuarve nga koronavirusi dhe rastet e vdekjeve nga ky virus.
Kryeministri i Kosovës, Avdullah Hoti, është deklaruar pas takimit me udhëheqësit e institucuoneve shëndetësore se që nga sot në ora 21:00 deri në orën 05:00 të mëngjesit, do të kuzohet lëvizja në Prishtinë, Prizren Ferizaj dhe Vushtrri.
Vetëm gjatë pesë ditëve të fundit janë regjistruar 557 raste të reja me COVID-19, sëmundjen që e shkakton koronavirusi. Vetëm gjatë të shtunës, autoritetet kanë konfirmuar se nga sëmundja COVID-19, që e shkakton koronavirusi, kanë vdekur tetë pacientë.
Kryeministri i Kosovës, Avdullah Hoti, ka treguar çka është diskutuar në mbledhjene sotme me krerët e institucioneve shëndetësore.
Ndërkohë ka theksuar se gjatë kohës që do të lejohet puna, do të lejohet vetëm shërbimi në hapësira të hapura dhe take away.
“Sa i përket bizneseve. Mbyllen të gjitha lokalet e gastronomisë nga ora 21 deri në orën 5 të mëngjesit. Lejohet puna vetëm në hapësira të hapura dhe take away”, ka thënë Hoti.
“Do të kujdesemi që të krijojmë kapacitete shtesë me pajisje duke riorganizuar komplet klinikat e QKUK’së, spitalet rajonale dhe spitalet private. Shpejt të blejmë edhe shtatë aparatura shtesë për testim”, ka thënë Hoti.
- Do të kujdesemi të krijojmë kapacitete shtesë me shtretër, do të riorganizojmë komplet klinikat e QKUK-së, spitalet rajonale dhe spitalet private, shtretërit e tyre do të shfrytëzohen për pacientët që dërgohen nga QKUK, do të blejmë aparatura të reja për testime, do të krijojmë kapacitete shtesë për personel mjekësor.
- Do të mobilizojmë të gjithë personelin mjekësor në nivel vendi, sidomos në mikrobiologji dhe infermieri.
- Do të merremi me kthimin e kapaciteteve për testim virologjik, do të krijohen kapacitetet Brenda ditës, deri në 500 teste Brenda ditës.
- do të fillojmë procedurat urgjente që t’i blejmë edhe 100 mijë teste shtesë.
- Do të testohen të sëmurët kronikë, ata që kanë shenja e të tjerë.
- Do të kemi në dispozicion buxhetin për të siguruar teste deri në 100 mijë, vaksina sezonale deri në 500 mijë
- Do t’I blejmë shtatë aparatura shtesë për testime virologjike.
- Do të angazhohemi të punësojmë personel shtesë, do të sigurohemi se ka pajisje të nevojshme mbrojtëse, gjithashtu pagesa shtesë për institucionet që kanë qenë të angazhuara.