Enver Mehmeti është kandiduar nga Partia Demokratike Shqiptare për pozitën e kryetarit të Këshillit Kombëtar Shqiptar, që do të mbahen më 13 nëntor të vitit 2022.
Pas kandidimit për bartës të listës dhe për pozitën e kryetarit të KKSH-së, Enver Mehmeti ka reaguar në rrjetin shoqëror Facebook, duke thënë se marrë parasyshë pozitën e shqiptarëve të Luginës së Preshevës, kandidimi i tij nuk është privilegj por përgjegjësi e madhe.
Në vazhdim ju sjellim postimin e plotë të kandidatit të PDSH-së në rrjetin shoqëror facebook:
Të nderuar qytetarë, të Luginës së Preshevës, mbrëmë mora besimin për bartës të listës nga Partia Demokratike Shqiptare për zgjedhjet e 13 nëntorit për Këshill Kombëtar Shqiptar!
Të vetëdijshëm për gjendjen në përgjithësi të shqiptarëve të Luginës nuk është privilegj por përgjegjësi e madhe!
Shpresojmë se së bashku do t’ia dalim në mbrojtje dhe avancim të të drejtave të shqiptarëve deri në Liri të plotë!