Profesori i Fakultetit të Mjekësisë momentalisht i pensionuar, Slobodan Marinkoviq, vlerëson se vala e re e koronavirusit do të jetë “e tmerrshme”, sepse një numër i madh i qytetarëve nuk janë vaksinuar.
“Pa vaksinimin e 80 përqind të popullatës, me këtë lloj delta që tani sundon, epidemia do të zgjasë me vite,” tha ai për Nova.
Sipas tij, është “e frikshme” që vendimet e Shtabit të Krizave të Qeverisë së Serbisë kohët e fundit janë të karakterit politik e jo mjekësor.
Marinkoviq beson se qytetarët janë gjithashtu përgjegjës për “katastrofën epidemiologjike”, e cila sapo ka filluar, sepse ata refuzojnë vaksinimin, pa të cilin nuk ka qetësim të epidemisë.